sábado, 11 de agosto de 2018

Mulleres ao poder na sección ciclista do Noitebra F.C.

Carreiras, trails, ciclismo e btts, duatlóns... actividade constante, non stop no Noitebra FC por toda a xeografía galega neste verán 2018! Toda actualidade semanal do club pode verse nas redes sociais, con Facebook, Instagram e Twitter, fundamentalmente.

María en acción
Pero hoxe toca, por fin, destacar a o que foi a fichaxe da primeira muller ciclista no club, María T., disposta a ampliar o número de disciplinas deportivas que practica, por se non lle chegaba o atletismo, e quen sabe se pornto tamén o duatlón.


sábado, 21 de abril de 2018

Aprobados novos Estatutos do Club e Regulamento de Réxime Interno da sección de atletismo do Noitebra

O 20 de abril de 2018 procedeuse á aprobación en Asemblea Xeral Extraordinaria dos novos Estatutos do Noitebra Fútbol Club, logo dun longo percorrido e grazas ao apoio e asesoramento da letrada Antía Comesaña, tamén compañeira do club, así como o doutros socios e directivos da nosa entidade.

Regulamento de Réxime Interno da Sección de Atletismo (2018)

Aprobados por unanimidade en Asemblea Xeral Extraordinaria o 20 de abril de 2018.


NOITEBRA FÚTBOL CLUB

REGULAMENTO DE RÉXIME INTERNO DA SECCIÓN DE ATLETISMO



O presente regulamento contén as condicións, requisitos e circunstancias nas que se desenvolverá a actividade da sección de atletismo do Noitebra Fútbol Club no non previsto nos seus Estatutos, e responde á necesidade de arbitrar medidas concretas de actuación que posibiliten o funcionamento óptimo da sección, definindo os dereitos e deberes dos e das atletas, co obxecto de garantir os principios de igualdade e transparencia. Supoñen un marco de actuación”, e como tal deberá facerse público para que sexa coñecido e respectado tanto por parte dos órganos de goberno do Club, atletas da sección así como o resto de socios e socias do Club.

Instagram

Patrocinadores

Arquivo