Novo cross para a sección de atletismo do Noitebra F.C. Neste caso teríamos representación no Campionato Galego de Cross Individual Absoluto e por equipos (cross longo), celebrado no circuíto do mirador de Couso, en Riveira.
Estarían no piñeiral de Couso Amador e Miguel N. (Pirri), que logo de catar a semana anterior o duro circuíto do Monte do Gozo no cross curto, atreveríanse a meterlle o dente ao tamén duro cross riveirense.
Sprint final de Amador. Foto: Nacho Cid |
Saída a todo trapo. Foto: Nacho Cid |
Foto: Alexha Pires |
Deste xeito, un pouco despois das 13 h, saímos como cabras tolas ao monte, compartindo a lama con moitas figuras atléticas da nosa comunidade, como por exemplo os internacionais Lolo Penas, Pedro Nimo..., outros destacados a nivel nacional como Alejandro Fernández ou ilustres como Alejandro Gómez, entre outros.
Pronto puidemos comprobar como o circuíto do piñeiral lonxe de estar duro como podíamos pensar, estaba literalmente desfeito. Tiña algunha que outra subida, pero deixábase facer. O que si, é que había que ter ollo de non mancar os nocellos entre tanta fochanca que había nas zonas brandas ou caer ao chan por tropezar nas raíces das árbores ou nos penedos que afloraban no chan en diferentes partes do percorrido.
Como "cabras montesas". Foto: Alexha Pires |
Carreira pois lenta, pesada, dura..., en xeral, onde tanto Amador como eu mesmo (Pirri) saímos a pasalo ben, e abofé que así foi. E iso a pesar de sufrir (que tamén), especialmente ao final, onde volveu chover con algo de forza, e sobre todo estivemos incomodados polo vento que nos freaba e arrefriaba de mala maneira.
Gañaría a proba de forma destacada Pedro Nimo, igual que o fixera en Santiago. Nos clubs vencería o New Balance (ausente en Santiago), con figuras como Lolo Penas ou Alejandro Fernández. No cross das mulleres vencería Solange Pereira e nos clubs femininos o faría o Comesaña.
En canto aos nosos, pois non tivemos equipo ao non reunir catro atletas, pero a nivel individual comentar que aínda deixamos a persoal abondo detrás nosa para non ir digamos que ao 100% dende o inicio.
Na chegada. Foto: Nacho Cid |
Ao final, distancia algo máis curta do previsto (e grazas), con apenas 10 km completados, acuarius na meta e ducha insitu a base de mangueira por xentileza do corpo de bombeiros do lugar. Por sorte tamén tivemos ducha quentiña na Fieiteira.
Sen dúbida un día para aprender e para poder gozar participando nunha competición de elite na que non sempre é posible estar presente.
Próxima cita:
Percorrido e perfil
Percorrido |
Perfil |
Clasificacións
Os nosos
Fotos