O pasado sábado día 26 tivo lugar a fase intercomarcal do Campo a Través Escolar (XOGADE) suspendida a semana anterior polo mal tempo.
 |
Arquivo. Nacho na anterior fase local.
Foto: Mark Losada
|
Cunha mañá bastante aceptable, o noso atleta competiría na categoría cadete masculino, nunha distancia duns 3,5 km pola contorna do paseo da Alameda de Santiago.
Nacho, ao igual que na fase anterior, competiría con moita intelixencia, buscando asegurar un posto entre os oito primeiros que daban o pase á fase provincial. E curiosamente resultoulle máis fácil que na serie local, conseguindo o 6º posto na meta, logrando así o obxectivo proposto.
Segundo a clasificación oficial, realizaría un tempo de 12:28, cun promedio de 3:34/km.
Polo tanto, Nacho terá a opción de medirse aos mellores escolares da provincia na súa categoría. A cita xa ten día, hora e lugar:
- Sábado 16 de febreiro no circuíto de Acea da Ma, en Culleredo (A Coruña). A carreira dos cadete masculino será ás 13:10 h. e terán que percorrer un total de 4.055 m. Máis información aquí no regulamento (XOGADE).
Clasificación
