Victoria do Noitebra por 1-3 ante o Urban no partido celebrado o xoves pola noite nas Cancelas.
Non sabemos se foi o cambio do día ou a hora, pero os nosos realizaron unha moi boa primeira metade, con gran gol de Simón e outro de Marco que poñían o 0-2 no marcador.
Na segunda parte a contenda desmadrouse un pouco, con ocasións claras para uns e outros. Recortaría o Urban de penalti, gozando logo de varias ocasións ao pao, mentres na outra área o Noitebra tamén erraba o seu. Pero sería o noso equipo o que pecharía o partido cun novo gol de Marco no que sería o definitivo 1-3.
O próximo encontro será o domingo 13 de marzo ás 11.30 h. ante o Zona Vella no campo de Marrozos.
O partido tivo un primeira parte onde pouco a pouco o Noitebra foi collendo o mando grazas ao dominio no medio campo. O primeiro gol chegaría pronto por medio de Andrés dende fóra da área, superando ao porteiro por alto.
No segundo tempo o Noitebra víase moi asentado no campo e despois de diferentes ocasións, sería nun saque de esquina onde chegaría o 3-0 por medio de Kike, que xa enviara minutos antes un balón ao pau. Logo dalgunha ocasión máis desperdiciada e diferentes fóra de xogo de Simón, o Victoria enchufouse ao partido cun bo gol dende fóra da área, e logo cun segundo tras xogada persoal dentro da área e pasividade defensiva do Noitebra. 
