Terceiro triunfo consecutivo do Noitebra ante o Victoria por 3-2 no partido xogado a tarde do domingo nas Cancelas. A mellor racha do equipo chega xusto cando remata a liga 2010-11, momento que coincidiu coa consolidación do equipo como tal.
O partido tivo un primeira parte onde pouco a pouco o Noitebra foi collendo o mando grazas ao dominio no medio campo. O primeiro gol chegaría pronto por medio de Andrés dende fóra da área, superando ao porteiro por alto.
Nunha xogada a balón parado chegaría o gol de Javi que parecía dar máis tranquilidade ao xogo do noso equipo, e iso a pesar do cambio por lesión de Andrés.
No segundo tempo o Noitebra víase moi asentado no campo e despois de diferentes ocasións, sería nun saque de esquina onde chegaría o 3-0 por medio de Kike, que xa enviara minutos antes un balón ao pau. Logo dalgunha ocasión máis desperdiciada e diferentes fóra de xogo de Simón, o Victoria enchufouse ao partido cun bo gol dende fóra da área, e logo cun segundo tras xogada persoal dentro da área e pasividade defensiva do Noitebra.
O 3-2 daría emoción aos últimos minutos, cun Victoria ao ataque e o Noitebra, xa con todos os cambios feitos, contendo o xogo rival e saíndo á contra con Nao e Simón, puidendo sentenciar nun par de ocasións.
Ao final o marcador xa non se movería e faríase realidade a terceira victoria consecutiva do Noitebra que finaliza a liga no posto 14 con 35 puntos.
Sen máis demora toca xa planificar a próxima tempada.
O partido tivo un primeira parte onde pouco a pouco o Noitebra foi collendo o mando grazas ao dominio no medio campo. O primeiro gol chegaría pronto por medio de Andrés dende fóra da área, superando ao porteiro por alto.
No segundo tempo o Noitebra víase moi asentado no campo e despois de diferentes ocasións, sería nun saque de esquina onde chegaría o 3-0 por medio de Kike, que xa enviara minutos antes un balón ao pau. Logo dalgunha ocasión máis desperdiciada e diferentes fóra de xogo de Simón, o Victoria enchufouse ao partido cun bo gol dende fóra da área, e logo cun segundo tras xogada persoal dentro da área e pasividade defensiva do Noitebra. 
