Dende a Delegación de Atletismo de Santiago remitíronnos información sobre a segunda xornada do II Trofeo de Atletismo Campo a Través Escolar "Cidade de Santiago", que se disputará o sábado 12 de decembro a partires das 10.45 h. no Parque Eugenio Granell, no Restollal (o que coñecemos como O Paxonal).
Sen dúbida resulta todo un espectáculo digno de ver e vos animamos a que asistades a ver as diferentes competicións onde se poñen en escena os futuros talentos do atletismo galego.
Como segunda nova vos informamos de que o Noitebra conseguiu o trofeo ao 4º posto por equipos na carreira disputada o pasado sábado en Lestrove. Grazas ao noso amigo Samuel, puidemos retirar o premio que xa está nas nosas "vitrinas", e que pasará á historia por ser o primeiro que logramos como equipo.
