O pasado domingo tivo lugar a 33 Carreira Pedestre de Santiago, con nutrida participación de atletas do Noitebra: Shaila, Fran, Manolo, Nacho, Marcos S. e Marcos G., Félix, Pepe, Dani, Jaime, Jonal e Moncho, na carreira de adultos, e Moisés na carreira escolar.
Foto de boa parte dos integrantes do Noitebra que participaron na Pedestre
Percorrido da carreira de adultos
Percorrido da carreira escolarEn canto aos resultados, sen entrar xa a falar dos estratosféricos africanos (o primeiro fixo uns 35 minutos), os nosos foron chegando a meta todos moi consecutivamente, destacando nos seus comentarios a dureza da proba coa incorporación das costas de García Sabell-San Francisco e da zona do Auditorio de Galicia no percorrido, e o mal tempo que non axudou moito a gozar da proba e post-proba.
Moisés tomaba a saída ás 11.30 h. entre os máis de 2000 inscritos na categoría escolar para facer un circuíto de 7 km., distancia moi esixente para os nenos e máis aínda nun percorrido tan duro como o da Pedestre. O seus resultados foron moi bos quedando entre os 400 primeiros (máis de 1400 en total).
En definitiva, boa participación en termos xerais, aínda que menor con respecto a outros anos polo efecto de ter que pagar a inscrición. A organización aceptable, cunha praza ocupada en parte polas montaxes co motivo da visita do Papa.
E así rematou a tempada 2009-2010 na sección de atletismo, pero xa sen descanso iniciamos a tempada 2010-2011 coa participación en careiras no próximo mes. Pronto publicaremos o resume do que foi a tempada.
Clasificacións
Clasificacións El Correo Gallego
Os nosos:
Fotos e vídeos dos nosos na carreira
[Amosar/Ocultar]
