Como se adoita dicir, mellor non ter que acudir a un avogado, pero de ser o caso temos unha boa noticia para a comunidade do Noitebra: a colaboración con descontos a socios de Marcos Moure y Asociados, Abogados, no barrio do Castiñeiriño (fronte ao Corte Inglés).
Marcos é un vello amigo e socio do Noitebra F.C. que vén de poñer en marcha a súa empresa e polo cal lle desexamos prosperidade e sorte nos tempos que corren.
 |
| Á dereita Marcos co seu compañeiro Daniel ás portas do despacho de avogados |
Como ben nos afirmaron, e indican na súa páxina web marcosmoure.es, o seu é un despacho de avogados multidisciplinar dirixido tanto a particulares como a empresas, onde todos os clientes recibirán un trato amable e eficiente co fin de solucionar calquera cuestión, problema ou preocupación xurídica que se lles presente.
E damos fe disto cando nos recibiu para entrevistalo con motivo da citada colaboración.
Entón xa sabedes, no caso de necesidade: Rúa do Restollal, 79. Baixo (fronte ao Corte Inglés), O Castiñeiriño, Santiago de Compostela
