O pasado domingo tivemos equipo representando ao Noitebra na I Media Maratón de O Carballiño.
 |
| O Noitebra no Carballiño. Foto: Mark Losada |
 |
| Foto: Jeanette R. |
Un día mais parte da "sección de longa distancia" do Noitebra desprazouse para participar nunha nova Media Maratón. Nesta ocasión trataríase da primeira edición desta distancia na vila de O Carballiño.
A expedición estaría composta por: Belén, Puri, Fernando, Nacho, Fleky, Jorge e eu (Fran), cos papeis en regra, e Mark que se inscribira "in situ" gracias a boa vontade da organización.
Ao chegares alá atopámonos cun día bastante desapracible, non tanto en canto a chuvia a cal xa estamos afeitos senón máis ben polo frío que se deixou notar, e afrontamos un percorrido que nos venderan como chan, pero para nada, xa que constou de 3 voltas con sube-baixas, destacando o último km. de cada unha delas, pois picaba case todo para arriba. Dito percorrido discorreu polo centro da vila e por un paseo á beira do río, polo que resultou ser bastante vistoso.
A expedición estaría composta por: Belén, Puri, Fernando, Nacho, Fleky, Jorge e eu (Fran), cos papeis en regra, e Mark que se inscribira "in situ" gracias a boa vontade da organización.
Ao chegares alá atopámonos cun día bastante desapracible, non tanto en canto a chuvia a cal xa estamos afeitos senón máis ben polo frío que se deixou notar, e afrontamos un percorrido que nos venderan como chan, pero para nada, xa que constou de 3 voltas con sube-baixas, destacando o último km. de cada unha delas, pois picaba case todo para arriba. Dito percorrido discorreu polo centro da vila e por un paseo á beira do río, polo que resultou ser bastante vistoso.
 |
| Foto: Jorge García |
O vencedor absoluto da proba sería Santiago López, e a primeira muller Sonia Teijeiro, e acadarían a meta algo mais de 300 persoas; pola nosa parte os mellores resultados chegarían unha vez mais pola parte feminina, acadando Puri o primeiro posto na súa categoría, e sumando Belén a súa 3º media en 3 meses, e xa pensa na próxima; en canto os homes e por orde de chegada a meta: o 1º seria Jorge, acadando unha gran marca pese ao perfil pouco favorable; seguidamente chegaría quen escribe acatarrado e probándose de cara a Maratón; por detrás entraría Fleky cun moi bo tempo tendo en conta o que esta a adestrar ultimamente; e a poucos metros Mark, que segundo nos comentou ao remate, púidoo facer mellor, pero tivo problemas cos cordóns das zapatillas. Completando o quinteto que loitou polos premios por equipos (esta vez non houbo sorte) chegaría Fernando; e por último, pero non menos importante Nacho, na súa liña e desfrutando da carreira.
 |
| Foto: Adán R. |
Para rematar, falar da organización que foi de nota para unha 1ª edición, con camiseta técnica, bolsa do corredor e todo o circuíto ben acotado. Sen dúbida, se seguen así, en vindeiras edicións será unha proba que se consolidará no calendario.
 |
| Foto: Jeanette R. |
En resumen, outra nova carreira máis que é apetecible para quen guste desta distancia e queira escapar de outras máis masificadas...
Percorrido e perfil
 |
| Percorrido |
 |
| Perfil |
 |
| Perfil con porcentaxes de desnivel |
