Blog Oficial do Noitebra F.C.: Atletismo. Carreira Pedestre Batalla de Cacheiras 2013 (FGA)

Triunfo por equipos do Noitebra F.C. na Carreira Pedestre Batalla de Cacheiras 2013, disputada en Teo o pasado domingo.

O Noitebra no podio. Foto por xentileza de Mark Losada

Día de sol e calor para afrontar os duros 11 km de distancia con saída e chegada na Ramallosa.

E menos mal que houbo certa corrente de aire que aliviaba algo da calor, correr ao mediodía é o que ten, especialmente cando por fin aparece o bo tempo, cuns 17 grados durante a competición. Pola contra, facía difícil manter o ritmo nalgunhas zonas.

Foto: Silvia

Importante representación do equipo con 16 atletas entre escolares e absolutos, que finalmente habería ter premio. Na mente de algúns de nós, a Maratón de Coruña da semana que ben. última día pois para probar sensacións, afinar os ritmos...

Saída puntual dos adultos ás 11:50 h., que nesta edición case que dobrarían a participación do ano pasado. Pouco despois, e correndo en simultáneo, tería lugar a carreira infantil-cadete-xuvenil, de 3,5 km de distancia, onde teríamos a Walter e a Moisés representándonos. Aquí chegaría o primeiro éxito para o equipo ao acadar Walter o 2º posto na súa categoría, rematando entre os 11 primeiros da carreira. Moisés remataría 6º na categoría.

Foto: Silvia

Na carreira dos adultos, dura como sempre polas subidas e tramos de terra, teríamos como mellor atleta, como case sempre, a Jose Iglesias, que entrou entre os 10 primeiros da xeral e 4º na categoría. Repetiu premiación do ano anterior J. R. Abel, sendo o primeiro local na súa categoría. E Puri, unha vez máis, acadando o 1º posto na categoría, logo de ser a 5ª muller en entrar na meta. Finalmente viría o broche final co premio por equipos, repetindo así o feito o ano pasado, pero este ano, se cabe, máis complicado ao haber máis participación.

Gañaría a carreira de forma moi clara Santiago López, sendo a primeira muller Purificación Fernández.

Foto: Silvia

Organización case que impecable, con puntualidade, avituallamento durante e ao final da carreira, e servizo de duchas con auga quente mesmo na meta, no Pavillón Ezequiel Mosquera. Tan só lamentar que a policía local non estivese máis acertada controlando o tráfico, xa que por momentos nos vimos cruzando entre coches en deferentes tramos da proba, co risco que supuña.

Foto previa á carreira. Por xentileza de Mark Losada

E xa en nada chega o día dun novo reto co Maratón da Coruña. Domingo 21 de abril ás 8:30 h. da mañá, onde contaremos cuns cantos noitebros. Uns en mellor forma, outros en peor por causa deste extenso inverno... indo a gozar, na medida do posible, e cadaquén cos seus obxectivos. Teremos tamén representación nos 10 Km paralelos que se celebrarán en parte do mesmo percorrido dende as 9 h. Sen dúbida será un auténtico día para vivir o atletismo.

Percorrido e perfil