Logo do loito polo tráxico suceso da semana pasada toca seguir adiante coa actualidade atlética do club.
 |
| José R. Abel no podio de Moraña. Foto: Patricia Iglesias |
Hai unhas semanas os nosos atletas estiveron presentes na VI Media Maratón Nocturna de Ponferrada e na I Carreira do Carneiro ao Espeto en Moraña.
O pasado sábado 20 de Xullo celebrouse a VI edición da Media Maratón Nocturna de Ponferrada, e nesta ocasión o Noitebra dobraría a súa representación con respecto ao ano pasado, xa que acudiriamos Raúl Iglesias mais eu (Fran)... tamén contariamos co apoio loxístico e anímico dos pais e o irmán de Raúl e Shailiña e Pedriño pola miña banda.
Da carreira pouco máis se pode engadir ao que aportei o ano pasado, organización estupenda con magnifico trato o corredor, perfil levadeiro aínda que como na edición anterior o calor deixouse notar (27º graos ás doce da noite cunha alta humidade) e gran ambiente nas rúas, aínda que algo menos que na edición anterior. A proba foi gañada por Manuel Hurtado, e encanto a nós, Raúl chegou coa intención de facer a carreira a ritmo de 4 min/km, pero logo se decatou que o clima non acompañaba, sumado o tempo que levaba sen competir nesta distancia, polo que ao final, aínda que sufrindo, rematou dignamente e o que é máis importante, sen molestias de ningún tipo; e pola miña banda, como xa me tocara sufrir o ano pasado, desta volta agarreime coma un carracho ao globo de 1:30 para "gozar" da carreira e acabar máis enteiro que na edición anterior. Ao remate, festa no estadio de atletismo en compaña das nosas familias e degustando unha abundante paella, e apuntar con respecto ao ano anterior dous detalles: o bo foi o pasar correndo pola beira do Castelo que nos estaban a agardar os Templarios vestidos de gala e cos estandartes para animarnos, foi impresionante; e o malo a falta de medalla conmemorativa (deran unha moi fermosa de cristal) máis as cañas, que este ano tamén había, pero pasando pola caixa... de tódolos xeitos convídovos a todos a participar nesta proba que de seguro vos vai a encantar...
 |
| Foto: Maribel Piñeiro |
En canto á carreira de Moraña, tivemos a Óscar Valle, Jorge García, Anxo Munín e J. R. Abel dando o callo nos 8 km da proba. Subiría ao caixón este último cun 3º posto na categoría.
Os nosos:
Fotos e vídeo
