A sección de atletismo segue activa en verán. A pasada semana tivemos representación no +10 Manuel Rosales de Marín, na Carreira Popular de Mesía 2013 e na XXII Milla Urbana de Ares (FGA).
 |
| Foto: organización |
Homenaxe ás vítimas de Angrois en Marín e podios para J. R. Abel e Amador Pena en Mesía e Ares respectivamente.
 |
| Foto: Lucía Doval |
O venres estarían nos +10 Manuel Rosales de Marín Nacho Liñares, Ángeles Suárez, Manolo Moure e Walter Rosales. Carreira nocturna con gran acollida na zona e máis de 400 participantes, que renderían homenaxe ás vítimas do accidente de Angrois así como aos seus veciños, sendo Manolo e Walter protagonistas xunto aos seus veciños que acudiron en representación.
O sábado teríamos a J. R. Abel na Carreira Popular de Mesía 2013, competindo na mini-carreira duns 6 km e na que lograría o primeiro posto na súa categoría.
Finalmente, Amador Pena achéganos a súa experiencia na XXII Milla Urbana de Ares (calendario FGA):
O sábado pasado achegueime a Ares a disputar a milla deste pobo por varios motivos. Un deles non poder asistir o día anterior a Marín, outro probarme dunhas molestias nas costas, e que mellor que unha distancia deste tipo, e porque parece que lle pillei gustillo a isto das millas, ejjeje.
Moi bo ambiente en Ares. Correriamos xuntos as categorías masculina e feminina de cadete, xuvenil, junior, promesa, e senior. Antes as categorías inferiores e despois as de veteráns.
Xa quentando e na liña de saída, parecíame que o nivel viña do lado da xente máis xoven, rapaces finos e musculados que andan coma foguetes neste tipo de distancias.
Saín con relativa calma recuperando posicións. O percorrido transcorre por un perfil totalmente chan polo paseo marítimo da vila de Ares. Xusto ó chegar ao xiro de 180º situeime terceiro a pouca distancia do segundo clasificado, o cal me peguei pouco antes de chegar á meta, pero as pernas non deron para poder adiantalo.
Despois de estar toda a semana sen adestrar máis que contento co resultado acadado: 3º na xeral e 1º senior.
Tocou ducharse na auga do mar e só recibimos a medalla entregada pola Deputación por ser esta proba pertencente ó seu circuíto, pero polo demais todo moi ben.
Se coincide ben intentaremos volver o ano próximo.
Clasificacións
Marín (Oficial Championchip Norte)
Mesía (Mini-carreira Oficial do Concello)
Ares (Oficial FGA)
Fotos e vídeo
Fotos Marín: Correr en Galicia
Vídeo Marín: Championchip Norte (Youtube)
Fotos Mesía: Correr en Galicia
