Atletismo: II Cross da Pobra do Caramiñal. Campionato Galego de Veteráns

O pasado domingo o Noitebra participou no II Cross da Pobra do Caramiñal, no piñeiral da praia de Cabío. Con esta proba tamén se celebraba o Campionato Galego de Veteráns de Cross, onde nos representaría Pepe na categoría de maiores de 45 anos, como xa fixera o ano pasado. Na categoría senior participaría Miguel, que sería o seu debut en probas federadas nesta modalidade.

Pepe pola zona de area. Foto por moses (Correr en Galicia)

Nun día inmellorable para a práctica do atletismo, moitos foron os que se animaron a competir no cross, especialmente nas dúas quendas de veteranos (a partir de 35 anos e a partir de 45 anos), con máis de 200 participantes entre as dúas carreiras na categoría masculina, que nun caso terían que percorrer uns 7.300 metros, e os máis veteráns uns 5.300 metros no mesmo circuíto.

Perfil carreira "senior"

Percorrido carreira "senior"

Carreira Virtual aquí

Sobre a unha do mediodía daríase a saída da quenda de Pepe, como dixemos, nunha distancia de 5,3 km., con variacións con respecto ao ano pasado, habendo máis percorrido polo piñeiral e menos pola area, pero, sen embargo, con máis curvas e costas. En canto ao seu resultado, bo papel aínda non tendo preparado a proba especificamente, finalizando no posto 41 (de 93), cun tempo duns 21 minutos.

Foto por moses (Correr en Galicia)

Ben pasada a unha e media do mediodía tiña lugar a saída da carreira junior, promesa e senior masculino, cunha distancia de 7,3 km, que, a diferenza das outras carreiras, apenas contou coa participación duns 15 atletas, pero con nivel. Afortunadamente, e grazas ao bo tempo, o terreo non estaba en malas condicións, a pesar de ser a última proba do día, agás a zona de area de praia, complicada para manter un ritmo competitivo. Pero detalles coma este eran os que lle daban interese á unha carreira que parecía unha contrarreloxo individual, ao haber tan poucos participantes e onde o normal era ir so no circuíto.O posto final de Miguel, o 13 (de 17), cun tempo de 28: 54.

Foto por moses (Correr en Galicia)

Boas impresións en xeral sobre o cross (organización, o circuito, o ambiente motivador...), polo cal animamos a todos/as os nosos atletas a probar algunha vez unha experiencia coma esta, independentemente do posto final que se acade.


Clasificacións
Campionato Galego de Veteráns aquí
II Cross a Probra do Caramiñal aquí

Fotos
Foro das fotos de Correr en Galicia