Nova Media Maratón (21.097 metros) para os atletas do Noitebra. Nesta ocasión nada máis e nada menos que o Campionato Galego celebrado a mañá do domingo na Coruña. Participaron Fernando, Manolo, Nacho e Miguel, sendo baixas por motivos varios Félix, Marcos e Dani.
Foto grazas a tarzán |
Percorrido |
Moita xente coñecida e disposta a dalo todo nun percorrido de 3 voltas pola zona dos Cantóns cun perfil practicamente chan.
Perfil |
Boa temperatura, sol non abrasador en exceso, pero unha brisa racheada que por momentos non se sabía por onde entraba, e que, sen dúbida, dificultaba a aventura de marcar ritmos en solitario.
Foto grazas a Vicky |
En carreira, como case sempre neste tipo de perfil, saída a todo trapo a pesar da distancia que logo moitos pagarían na última volta. Boa táctica era manter un ritmo axeitado constante, e logo dalo todo na última volta/media volta dependendo das forzas.
Foto grazas a Vicky |
Os nosos non defraudaron: Manolo, arrastro polos problemas musculares, pero rematando dignamente. Nacho, de carallada, marca persoal na distancia. Fernando, a tope e nova marca persoal (“tiembla” Félix). E Miguel, tamén marca persoal (sete días despois da tortura da media da Ferreirúa).
En definitiva, todos moi contentos e amornando xa as pernas para a cita de Riveira no día das Letras Galegas.
Clasificación
Oficial aquí
Clasificación
Oficial aquí
Os nosos