O pasado domingo ás 10.30 horas tiña lugar en Esgos (Ourense) a V Subida Rocas-Eirado, que tamén servía para a disputa do Campionato Galego de Montaña (Federación Galega de Atletismo). En representación do noso equipo na proba federada foron Julio, Pepe, Manolo, Nacho e Miguel.
O percorrido e perfil era xa máis que coñecido doutros anos: subidas e máis subidas polo monte e montaña ao longo de 13 km, que incluso con ritmos cómodos pode chegar a resultar extremadamente dura nos últimos quilómetros coas subidas aos cortalumes.
O clima foi propicio para a competición, sen facer unha calor abafante, pero con algo de bochorno namentres non se acadaba altitude (subíase dende uns 500 metros ate uns 1.200).
 |
| Foto grazas a J. Carlos |
Segundo pasaban os quilómetros as pernas (e as cachas) comezábanse a facerse máis e máis pesadas, ata chegar á tortura dos últimos 2 km, cos xa citados cortalumes, onde un servidor tivo unha boa páxara que lle botou abaixo facer marca persoal. No obstante case todos/as as pasaron canutas en xeral neste último tramo. Pero a recompensa valía a pena, co recibimento na cima (incluído o Presidente da Federación) e, sobre todo o avituallamento,que viña de pingas para recuperarse tras o tremendo esforzo feito por todos e todas.
 |
| Foto grazas a J. Carlos |
Carreirón de Pepe e Nacho. O primeiro, no papel, campión galego na súa categoría. E Nacho baixando por moito a súa marca persoal. A destacar tamén o esforzo de Manolo, a pesar de non estar ao 100% polas molestias arrastradas ultimamente, e Julio, que está a ter un aho complicado.
 |
| Foto grazas a J. Carlos |
O ano que vén, fixo que volvemos con novos retos.
Clasificacións
Os nosos:
