O Noitebra F.C. inicia a tempada 2010-2011 cunha derrota ante o Velacruz en Santa Isabel. No obstante o partido resultou máis parello do que indicou o marcador final de 2-4.
A diferenza entre ambos equipos estivo na pegada diante da portería, pero os nosos deixaron un bo sabor de boca de cara ao que pode ser o resto da tempada, movendo moi ben o balón, facendo que o Velacruz non despregase o seu fútbol característico de control e toque.
Na primeira parte Rubén fixo o 1-0 nos primeiros minutos, e Simón, Marco e Nao tiveron boas ocasións para marcar, pero os do Velacruz, aproveitaron ben un gol en propia meta e un contra ataque para ir ao descanso con vantaxe.
Na segunda parte, outra vez o Noitebra comezou moi activo, marcando de rebote Simón o 2-2. Parecía que os noitebros tiñan ao Velacruz contra as cordas, e a pesar de algunha que outra ocasión, serían os visitantes os que farían o 2-3, co baixón moral para os nosos. Máis ocasións para o Noitebra na cabeza de Agus e algún que outro tiro fora da área, pero sería o Velacruz o que poría a sentencia co 2-4.
En definitiva, o noso equipo necesita seguir conxuntándose, corrixindo certos aspectos defensivos, ademais de ter máis mordente no ataque (case nada...).
O próximo partido será o sábado 11 de setembro, ás 20.30 h. en Santa Isabel fronte ao Bodegón Arzúa.
O seguinte adestramento será este martes 7 de setembro ás 20.30 h. no parque do Paxonal.
