O sábado pola mañá disputouse no Parque do Restollal a Xornada Intercomarcal de Campo a Través Escolar, onde participaba Moisés na categoría cadete-masculino. Igual que sucederan na anterior xornada escolar, boa mañá para competir, pero con algo de frío, aspecto que non minguou as gañas dos rapaces e rapazas de pasalo ben.
O noso atleta tiña como obxectivo quitar o mal sabor de boca da anterior ocasión, e mostrarse máis competitivo. E así, pasadas as 12.35 h. dábase a saída na que era a última carreira da xornada, participando uns 30 rapaces que tiñan que percorrer uns 3,5 km nun perfil duro polas características da contorna.
 |
| Percorridos |
Ao final, ¡¡¡obxectivo cumprido!!!, rematando Moisés en algo menos de 16 minutos, e deixando atrás a varios rapaces, chegando ao sprint apenas a uns segundos doutro grupo de 4-5 rapaces. Lonxe, para case todos, quedaban os rapaces do Olímpico de Vedra e do Universitario, que quitaron un mundo ao resto.
Fotos de Moisés na carreira
[Amosar/Ocultar]
