E o domingo máis. Esta vez o Noitebra participaba no III Cross Ambiental de Ordes, cunha mañá inmellorable para competir. Nada que ver co ano pasado (choiva e moito barro no percorrido). Duplicaron esforzos Manolo, Marcos G. e Miguel, que competiran o sábado en Padrón. Tamén contaríamos con Jaime e Moncho, que retomaban as carreiras despois dun tempo, sendo baixas por diversos motivos Julio e Pepe.
O percorrido tiña unhas pequenas variacións con respecto ao ano pasado, pero seguía sendo duro e cunha distancia aproximada de 9,5 km por corredoiras, camiños, regatos e río a través.
Saída puntual e logo tocaba castigar o corpo polas primeiras subidas. No tramo final, vertixe total costa abaixo, cruzando por pleno río para rematar atope no lugar de partida.
 |
| Perfil |
 |
| Percorrido |
Resultados variados entre os nosos, pero a destacar o dobrete histórico para o club con trofeo ao 2º posto na súa categoría para Marcos G. (2 premios en dúas semanas), e a sorpresa de Miguel con trofeo ao 3º posto na súa categoría grazas a que os premios non eran acumulativos entre os tres primeiros premiados na carreira absoluta.
En definitiva, grande felicidade entre nós, aumentada grazas ao bo trato da organización, que nos obsequiou con camiseta, froita, bebida en abundancia, chocolate con churros e biscoito, a pesar da ducha fría (igual que o día anterior en Padrón).
Clasificacións
Oficial aquí
Oficial aquí
Os nosos:
Fotos do Noitebra na carreira (grazas ao xenro de Manolo)
[Amosar/Ocultar]
