Blog Oficial do Noitebra F.C.: Atletismo: Camiño da Maratón A Coruña 42

Vamos con todo á Maratón A Coruña 42!!! A cidade herculina será colonizada polo poder compostelán do Noitebra F.C. Novo reto para os nosos atletas cando xa parece que pasou unha eternidade dende o último maratón no que participamos, en Ourense, celebrado o pasado mes de outubro, onde chegamos a competir con temperaturas superiores aos 24 grados.

Fotos de Pirri grazas a Tito e Xinzo: 1ª volta e final de Maratón en Ourense, outubro 2011

Como ben sabedes, o prognóstico do tempo non é nada favorable (quen nolo ía dicir, se o comparamos co de Ourense), como ben destaca Carlos Fernández Balseiro, noutrora home do tempo da TVG.

Información actualizada aquí e en Meteogalicia

Clic no mapa para ampliar

Con todo, canto peores sexan as condicións, máis grande será a xesta dos nosos intrépidos atletas. Dani, Pepe, Raúl, Manolo, Fran, Abel, Óscar, Jonal, Nacho e un servidor (Miguel Pirri), trataremos de dalo todo, e sempre co inestimable apoio técnico e moral de Shaila e Fleky. Seguro que será un día inesquecible, sobre todo para os debutantes na distancia, neses temidos 42.195 metros.

A carreira constará de 3 voltas a recorrer nun circuíto duns 14 km de distancia de perfil case chán.

A saída será ás 8.30 h. na Avenida de Montoto, cerca da Praza de María Pita, e a chegada será na citada Praza. O noso compañeiro Raúl espéranos previamente na Praza de María Pita dende as 7.30 h. para entregarnos os dorsais, chips validados e bolsa de cada corredor entregada pola organización.

Zona de parking

A viaxe en grupo en coches sairá dende Santiago o domingo ás 6.45 h. dende o Castiñeiriño, e logo se completará e organizará en Sigüeiro para saír cara A Coruña (autopista) todo máis tardar ás 7 h. Contamos de chegar á Coruña antes das 7.45 h., xa que ás 8h. cortarase o tráfico na cidade. Trataremos de aparcar os coches nalgún parking na proximidade dos Xardíns de Méndez Núñez (onde é a saída habitual das carreiras A Coruña 10 e A Coruña 21).

Poucas recomendacións me quedan por dar aos nosos atletas. Cada un sabe o que ten que facer antes, durante e despois da carreira. Tan só darvos ánimos a todos e desexarvos moita sorte. Como moito deixarvos un vídeo destes motivantes, pero mellor velo o domingo pola mañá, non vaia ser que xa comecedes a correr o sábado!!!