Outra fin de semana máis de competición na sección de atletismo, neste caso aquí ao lado da casa, na Carreira Pedestre Batalla de Cacheiras 2012.
 |
| Foto grazas a Abel |
De novo competimos por equipos, e nos presentamos no lugar con 9 atletas. Cabe salientar a volta ás competicións de Rubén e Óscar despois de facer maratón, e tamén de Carlos, logo de recuperarse dunha lesión. Tamén nos acompañaron como espectadores Jose e Julio.
 |
| Perfil |
O percorrido a facer, xa sabíamos que ía ser duro, pero este ano tiña a sorpresa de que o estenderon a 11 km (500 mtrs. máis do previsto), e ao final a máis dun se lle fixo longa a voltiña final na chegada. Costa para arriba e para abaixo constantes, pero coa parte dura principalmente nos 5 primeiros km. E menos mal que o día acompañou, con temperatura fresquiña para correr, que senón aínda habería máis estragos físicos nos corredores.
 |
| Foto grazas a Carballeira |
En canto aos nosos resultados, pois que queredes que vos diga. Nova xornada de éxito, conseguindo Puri o 3º posto da xeral (e 1ª na categoría), e Abel dobre premiación, cun 3º posto na súa categoría e gañador local no Concello de Teo (vos fixades que este ano temos no equipo ao mellor local de O Pino e ao mellor de Teo). A guinda veu co premio por equipos, que ben celebramos subindo ao podio unha vez máis (xusto unha semana despois de Ferreirúa). Felicitacións a todos novamente!!
Trasladamos os nosos agradecementos á organización, xa que ano a ano van mellorando todos os aspectos da carreira, facendo cada vez máis atractivo ir a esta proba.
Clasificacións
Oficial aquí
Os nosos
Máis fotos no foro de Correr en Galicia
Clasificacións
Oficial aquí
Os nosos
Máis fotos no foro de Correr en Galicia
