Novo día histórico da sección de atletismo do
Noitebra ao lograr o 4º posto por clubs e con 25 chegados á meta na categoría
absoluta da 33 Carreira Popular de Negreira. Ademais Puri Bermúdez alzaríase
eco 2º posto na súa categoría, só detrás de nada máis e nada menos que Mª Jesús
Gestido.
 |
| Parte do equipo de Negreira acompañando a Puri e a súa copa. Foto grazas a Mark L. |
O compromiso co equipo fíxonos ser o equipo
con maior participación (se os números oficiais non nos engana) na categoría
absoluta, o que nos dá dereito a unha subvención por parte de Concello de
Negreira de 3 euros por atleta chegado á meta. O Noitebra F.C. ofrécevos dúas
opcións para xestionar a axuda: doala a club ou ben solicitar o reintegro da
inscrición, previa petición á seguinte dirección de correo electrónico:
noitebrafc@gmail.com (por favor, esperade ata semana que vén ata que o Concello
nos confirme o logro da axuda).
 |
| Jaime Rivas Jr. |
Mágoa non ter logrado o podio na competición
por puntos, que nos deixou a 25-26 puntos do galardón e premio de 100 euros. No
obstante, parabéns e grazas a todos polo esforzo!!
 |
| Fleky |
Día frío e con choivas previas nunha mañá de
domingo de inverno, aínda que por sorte durante a carreira non podemos ter
queixa, xa que mesmo chegou a lucir o sol.
 |
| Gonzalo Silva |
Percorrido rompe-pernas xa clásico, con saída
en frío costa arriba. Logo a pillarlle o ritmo a base de parriba-pabaixo. En
total 10 km bastante precisos (falta homologalos) onde nos atopamos con
bastante nivel con respecto ao ano pasado, e non só polo feito de que andasen
por alí uns cantos atletas keniatas, senón porque a xente se puxo as pilas,
especialmente na competición por equipos.
No plano individual, gañaría a carreira
masculina Tsegaye Mekonnen, e a feminina Marta Tigabea Mekonen.
 |
| Amador e Abel |
Noso nosos, grande carreira, coma sempre, de
Jaime Rivas Pereira, en preparación para retos de longa distancia. Ademais hoxe
pódese considerar un día especial para el, xa que compartiu por primeira vez
cores co seu pai, Xaime Rivas P., recentemente federado no Noitebra F.C. (somos
un club familiar no sentido estrito da palabra, jejeje). Logo virían Jose,
Carlos...e así a ta pechar os dez puntuables con M. Pirri (petado polo frío e
flato...baixo...). Excelente carreira, entre estes 10, de Julio (irmán-ísimo de
Jose...), Víctor, Óscar (en recuperación logo de visitar aos vampiros...)
Gonzalo Silva e Mark Losada, que axudaron a un servidor a non renderse...Tamén
neste grupo hai que salientar o debut oficial como noitebro de Fleky Rodríguez,
que cumpriu coma nunca (o laranxa tira...).
 |
| Sebas |
Sobre o resto da tropa e valentes cumpridores,
destacar o bo estado de forma de Sebas Munín e a posta a punto de Dani Becerra,
que, por certo, xa ten apalabrada a incorporación do seu irmán ao equipo
(insisto no de equipo familiar???). Mención especial para Fran, que nin
acabando de ser pai deixa de lado á súa outra familia. Logo, Abel, Fernando,
Mallo, Anxo, Manolo, Ramón Alende, Miguel Tarrío, Moncho Iglesias, Ángles,
Nacho... dende logo moito vos temos que agradecer o feito de dalo todo hoxe...
 |
| Jaime Rivas |
E non podíamos marchar sen nada. Para iso
estivo Puri, realzando a nosa autoestima como club con ese segundo posto na
categoría e copazo como trofeo, nun día no que seu irmán Pepe (e dálle coa
familia...) foi baixa por temas laborais.
Felicitacións a tod@s!!!
 |
| Ramón A. |
En canto á competición por equipos, 1º posto
para A Poutada, 2º San Miguel de Oia e 3º Milladoiro. O noso equipo rematou 4º
por apenas uns puntos e coa mel nos beizos xa que nos recontos iniciais saímos
como terceiros, pero un servidor, sempre prudente, ata velo oficialmente non
confiaba, como así foi. No obstante, como se adoita dicir, xa andamos a “chamar
á porta...” Con todo, enviamos as nosas felicitacións aos gañadores!!
 |
| Anxo |
Finalmente felicitar tamén á organización, que
ano a no estase a superar. Iso, si, o feito de dar moitos premios ten o
inconveniente de que cando non comezas a cerimonia de forma puntual, rematas ás
tantas, e non me imaxino como farían os que viñan de lonxe...
 |
| Miguel T. |
Próxima cita nunha nova carreira FGA puntuable
para o Corre-Noitebra: 36 Carreira do San Martiño (Ourense).
 |
| Ángeles e Nacho |
Tamén ao longo desta semana toca facer resumo
do que foi a tempada 2011-2012. Estade ao loro para rememorar os mellores
momentos do equipo o curso pasado...
Fotos de arriba por xentileza de Moses
 |
| Puri = triunfo asegurado. Fotos de Moses. |
Percorrido e perfil
 |
| Perfil |
Clasificacións
Os nosos
